育兒心得｜將30+兒子仍然視為3歲幼兒照顧 港媽呻：個仔罵我係咪當佢傻喎

三位媽媽談得特別投契，皆因她們有同一共通點，她們都育有獨子。

「我個仔脾氣好差，只要我稍為講啲嘢唔合佢意，就會即刻無面俾，有時連飯都唔食就返入自己房嘞！」媽媽說時一臉苦澀。

「我個仔仲衰，發起火嚟會大聲罵人，會亂咁掟爛嘢，好恐怖㗎！」第二位媽媽的臉皺成一團。

「唉，咁你哋兩個仔都叫做有反應吖，我個仔好似聾咗咁，同佢講乜嘢都無反應㗎，有時我真係覺得我係對住空氣講嘢㗎。」第三位媽媽嘀咕。

三位媽媽七嘴八舌在談論的兒子，卻並非小朋友，而是三十多歲的成年人。他們均條件不俗，擁有收入不錯的工作，可是在媽媽的眼中，他們卻永遠都是不懂事的小孩。

「嗱，好似嗰次我陪佢睇醫生咁……」第一位媽媽續說：「我問醫生佢嘅糖尿指數係咪偏高，應該注意啲乜嘢，佢係咪應該多啲運動，少啲打機，閒時係咪應該少吃薯片、薯條之類嘅垃圾食物……」幾乎可以肯定，在診所內當強勢媽媽嘮嘮叨叨地追問醫生時，她是壓根兒沒照顧那個三十多歲兒子的感受，他又不是蠢鈍兒，何須媽媽代問醫生？

「我個仔咪又係唔理自己健康，先前我驚佢有三高，咪傳咗啲健康資訊俾佢囉，點知佢睇都唔睇！」媽媽隨手開出傳給兒子的資訊，竟然是水蛇春那麼長的一條接一條，委實太誇張了，只會給兒子構成壓力呢，更何況三十多歲成年人又怎會不懂？

第三位媽媽說：「我個仔罵我乜都要爭住幫佢做，係咪當佢傻喎。」

三位媽媽其實有另一共通點：她們都為兒子做得太多了！

中小學測考季即將來臨，TOPick精選名校的中、英、數、常練習題：立即免費下載

HKET App已全面升級，TOPick推出親子、健康、娛樂、港聞及休閒生活資訊及影片，立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5